Жизнь / История / 31 январь 2019

Адыгэмэ ац1эхэм язэхэтык1э-гъэпсык1э шъхьа1эмэ ащыщхэр: основные особенности образования адыгских имен









В статье рассматриваются структурные и семантические особенности адыгских имен, способы их образования и причин возникновения. Раскрываются богатства адыгейской антропонимии, значительное влияние на ее развитие со стороны арабской, турецкой, персидской и русской систем личных имен. Итоги исследования: количество адыгов, носящих личные имена восточного происхождения увеличивается в связи с возрождением национальных традиций, религиозных представлений, связанных с мусульманством и т.д.

Ключевые слова: ономастика, источник, топонимы, культурно-исторические, идеологические, социальные, нартский эпос, религия, личные имена, лексика, структурнограмматические типы, имена иноязычного происхождения.


The paper examines the structural and semantic peculiarities of the Adyghe names, ways of their formation and causes. It Reveals the richness of Adygean anthroponymie, significant impact on its development from the side of the Arabian, Turkish, Persian and Russian systems of personal names. The Results of the study: the number of Circassians, having the names of Eastern origin increases in connection with the revival of national traditions, religious beliefs associated with Islam etc.


Keywords: onomastics, source, place names, historical and cultural, ideological, social, Nart epos, religion, personal names, vocabulary, structural-grammatical types, names of foreign origin.


Дунаим тет пкъыгъо пэпчъ (псэ зыпыти, псэ зыпымыти) ц1э и1. Ц1эхэр ц1э къы-зэрык1охэуи ц1э унаехэуи зэтегъэушъхьафык1ыгъэх.


Ц1э къызэрык1охэр япчъагъэк1и, ахэмэ якъэхъук1эк1и, грамматическэ ык1и лек-сическэ тегъэушъхьафык1ыныгъэу я1эмк1и ц1э унаехэм атек1ых. Ц1э унаехэм, ащ язэгъэш1эн ономастикэр пылъ.


Ц1э унаемэ къыхиубытэрэ мэхьанэр мырэущтэу гъэунэфыгъэ: «Собственное имя (оним) (калька лат. потер proprium; оним — от греч. опоша, onyma — имя, название) — слово, словосочетание или предложение, которое служит для выделения именуемого им объекта из ряда подобных, индивидуализируя и идентифицируя данный объект»1. Ономастикэ ш1эныгъэм мэхьанэшхо зэри1эр хигъэунэфык1зэ, Ш.Д. Инал-Ипа мырэущтэу етхы: «Изучение ономастики и ее отраслей помогает решению важных историко-культурных вопросов. Часто по топонимическим, личным и родовым именам удается осветить многие туманные или неизвестные страницы истории народа, в частности, ответить на вопрос о том, какая этническая группа занимала ту или иную конкретную территорию или присутствовала на ней в качестве одной из составляющих частей населения сотни, а может быть, и тысячи лет тому назад»2.


Мы мэхьэнэ дэдэр ары адыгэбзэ бзэхабзэми ахэмэ щыряТэри. Щэ унаехэр етЫни куп-купэу ягъэпсыкТи, имэхьанэкТи зэтырафыжьыгъэх. Зы еплъыкТэ зэдэштагъэ и!эу, научнэ лъапсэ фэшТыгъэу цЬ унаехэм ахэхьэхэрэр мырэущтэу агъэунэфых: «К собственным именам относятся: антропонимы (собственные имена людей), топонимы (собственные имена географических объектов), теонимы (собственные имена божеств), зоонимы (собственные имена (или клички) животных, астронимы (собственные имена небесных тел) и др.»3


ЩыфыцТэхэмрэ лъэкъуацТэхэмрэ якъэхъукТэрэ язэгъэшТэнрэ мэхьанэшхо зэряТэр хигъэунэфыкТзэ, Ш.Д. Инал-Ипа етхы: «Они ярко отражают жизнь народа, развитие хозяйственной жизни, его культурные связи с соседними странами и народами, его верования, эстетику и мораль, его представления. Они являются чрезвычайно ценным источником при изучении языка, а также истории социальной организации прошлого того или иного общества. Анализ собственных имен может служить источником для исторического синтеза — прозвище проливает свет и на мифологию, и на историю общественного строя»4.


ШТэныгъэлэжьхэм зэрэхагъэунэфыкТрэмкТэ, цТыфыцТэхэм ямэхьанэ, къежьа-Ыэхэу яТэхэр, якъэкТуаЫэхэр зэфэшъхьафыбэх. Ахэр зэтефэхэуи зэтекТыхэуи къызэрэхэкТрэр макТэп. Мы лъэныкъохэр къыдэлъытагъэхэу, непэрэ антропони-мие шТэныгъэм фэгъэхьыгъэ тхыгъэхэу щыТэхэм щыхагъэунэфыкТрэ еплъьМэхэр ТэубытыпТэ сшТызэ, адыгэхэм афаусыгъэ цТэхэм к!эк!эу сакъытегущьЯэн5.


Щэхэм яусын, ахэмэ япчъагъэ ихэхъон ык!и ащ нэмыкТхэм афэгъэ-хьыгъэу еплъыкТэ зэфэшъхьафыбэ щыТэми, шТэныгъэлэжьхэм зэдаштагъэу ашТогъэшТэгъонэу хагъэунэфыкТырэр, цТэхэм ягъэпсыкТэрэ яхэхъонрэ системэ гъэ-нэфагъэ зэриЬр ары. Ащ щыщ ц!эу аусыхэрэр ц!э къызэрыкТохэм къатекТэу ц!э зэхэлъхэр щыТэ зэрэмыхъугъэр ары, нэмыкЬу къэЫон хъумэ ц!э зэхэлъхэр апэ ау-сыщтыгъэхэу ык!и ахэмэ етЫнэ ц!э къызэрыкТохэр къахэкТыгъэхэу ары. Перво-бытнообщиннэ зэхэтьМэм ц!э тедзэмэ анэмыкТэу ц!э усыным гъэхьылъэгъэ системэ псэу хъурэ яТагъэу шТэныгъэлэжьмэ зэфэхьысыжь аш!ы. Непэрэ ц!э усын системэм а лъэхъанэм щьЯэгъэ ц!э усын системэр нахь гъэхьылъэгъагъ. Ащ фэгъэ-хьыгъэу мары И. Бестужев-Ладэ ытхырэр: «Нас не должна вводить в заблуждение кажущаяся простота имен тех людей, которые жили в условиях родового строя. Можно быть уверенным, что какой-нибудь Монтигомо — Ястребиный Коготь известен под таким именем лишь «для чужих», а на самом деле он является обладателем десятка имен, значительная часть которых не предназначена для посторонних ушей. В детстве он мог получить один набор имен и прозвищ, в юности—другой, в зрелом возрасте — третий, в стариковском — четвертый, а после смерти — пятый»6.


Адыгэхэм, адрэ ц1ыф лъэпкъыбэу дунаим тетмэ афэдэу, зэман чыжьэ дэдэхэм къыщежьагъэу къэхъугъак1эм ц1э фаусыныр, а ц1эу аусыщтым икъыхэхын, сабыим ц1э фэзыусын фитыр, нэмык1 лъэныкъохэр къыдэлъытагъэхэу мытхыгъэ хабзэ я1агъ. Ащ уахътэм щыхъурэ-щыш1эрэмэ ялъытыгъэу хэзыныгъэхэмрэ хэхъоныгъэхэмрэ фэхъух. «Ц1э» зыфи1орэм къытырэ мэхьанэмрэ ащ къыубытырэ гуры1о-гупшысэмрэ адэлэжьэрэ ш1эныгъэ псаоу антропологиер щы1э хъугъэ. Мыщ нахь зеушъомбгъу, ылъапсэ мэпытэ, фэгъэхьыгъэ ушэтынхэр ш1эныгъэлэжьхэм зэхащэх. Игъорыгъо-зэ нэмык1ырэ ш1эныгъэхэми епхыныгъэхэу и1эхэр нахь мэпытэх. Мары ащ фэгъэ-хьыгъэу К1ок1о Джумалдин ытхырэр: «Антропонимия, будучи неразрывно связана с языком, историей, бытом, самих носителей имен, доносит до нас информацию первостепенной важности. Без изучения этой информации нельзя говорить о полной изученности лексики и других сторон системы языка, о тщательности в исследовании культурно-исторических, идеологических, социальных и прочих сторон истории народа, потому что в именах (личных, географических и других) отразились явления, события, пережитые обществом»7. Арышъ, ц1эмэ язэгъэш1эн, язэхэфын ц1ыф лъэпкъ пэпчък1э е зы бзэ къутамэ хахьэрэ лъэпкъхэмк1э мэхьанэшхо зэри1эр нафэ. Ар абхъаз-адыгэ лъэпкъхэм афэгъэхьыгъэ шъыпкъ.


Абхъазхэмрэ адыгэхэмрэ ижърэ-ижъым зы лъэпсэ лъэпкъ тек1 я1эу ш1эны-гъэлэжьхэм зэрагъэунэфырэм ишыхьат Ш.Д. Инал-Ипа къытхырэр: «Не следует, я думаю, обходить без внимания сходство, а порой даже тождество по звуковому оформлению некоторых личных и родовых имен, которые изредка встречаются в хаттско-хеттской и абхазо-адыгской антропонимике. Сошлемся на несколько примеров, но подчеркнем: нет полной уверенности в том, что приводимые аналогии и параллели не случайны, и имеют между собой какую-то генетическую связь. Так, имя царя Хатти Памба очень близко староабхазским именам Памба (муж) и Пемба (жен).


Обращают на себя внимание и некоторые адыгские и абхазские племенные и личные имена, содержащие в своем составе элемент «хат»: Хат-укай, Хат-хе, Хат-ажук, Хат-хаху (ср. и абхазские имена Хат, Хаит, Хатажэкэа, Хатхэа и др.)8.


Ц1э пэпчъ имэхьанэ, ар заусыгъэр, аусынэу къызыхэк1ыгъэр бгъэунэфыныр 1эш1эхэп, аужыпкъэм агъэунэфын амылъэк1эуи къызэрэхэк1ырэри мак1эп. Ет1ани тэ, адыгэхэм, адырэ ц1ыфлъэпкъхэу зитхак1э «ныбжьык1эхэм», а 1офыр зэхэтфыныр, ащ лъапсэ фэш1ыныр, епхыгъэ ш1эныгъэхэр хэдгъэлажьэхэзэ антропологием иш1ык1э-амал зэфэшъхьафхэр дгъэфедэхэзэ, ти1оф зэхэтщэныр 1эш1эхэп. Антропонимием ипшъэрылъ шъхьа1эхэмрэ иш1ык1э-амалхэмрэ хигъэунэфык1хэзэ, В.А. Никоновым етхы: «... Антропонимия образует в языке особую подсистему, разобраться в которой бессильны методы только лингвистики без неразрывного единства с этнографией, историей, социологией, правом. В антропонимии общие законы языка преломляются специфически, кроме того, возникают свои собственные закономерности, которых нет в языке вне её. Поэтому антропонимика, составляя вместе с другими разделами ономастики отрасль лингвистики, требует специального изучения»9.


Ц1э усынымрэ ежь ц1ыфым ц1эу фаусыщтымрэ ренэу мэхьанэшхо зэрэратрэ хабзэр щы1ак1эм ищысэхэмк1э агъэунэфыгъ. Ижърэ ц1ыфхэм ежь ц1ыфымрэ ащ ыц1эрэ зэпаш1ыщтыгъэх. Ц1ыфыр щымы1эу ц1эр шъхьафитэу, аукъодыеу щы1эныр ахэмэ аш1ош1 хъущтыгъэп, е нэмык1эу къэп1он хъумэ — ц1ыфэу къэхъурэм иеу, фэшъхьаф а ц1эр имы1эу, ежь фэшъхьаф имыеу, а ц1эр а ц1ыфым къыдэхъоу ык1и дэк1одыжьэу алъытэщтыгъэу ш1эныгъэлэжьышхомэ къаушыхьаты. Ащ къыхэк1эуи ижърэ ц1ыфхэм ц1эм осэшхо ратын фаеу хъущтыгъэ. Лъэхъэнэ чыжьэ горэм къэхъурэ сабыймэ ц1эхэу аусыщтхэр ц1ыфмэ афимыкъоу уахътэ къыхэк1ыгъ. Ар къыгъэшъып-къэжьэу, ц1эу уусыщтыр къэбгъотыныр зэрэкъиныгъэр хигъэунэфык1зэ В.А. Никоновым мыщ фэдэу и1офш1агъэ къыще1о: «У одного из племен Новой Гвинеи обычна «охота за именами»: нападают на соседнее племя и перед тем, как убить человека, требуют: «Имя! Скажи свое имя!» Объяснение — имен не хватает!»10.


Ц1ыфыц1эхэм ащ фэдэ еплъык1э-ек1ол1ак1э зэман чыжьэм фыря1агъэмэ, джы-рэ тилъэхъанэ ц1ыфыц1эхэр бэ дэдэ мэхъу, а зы лъэпкъым иц1ыфмэ афаусырэ ц1ыфыц1эр адрэ ц1ыф лъэпкъым къэк1оп1э зэфэшъхьафхэмк1э алъэ1эсызэ, нэужым ар яе фэдэ къащыхъузэ, а зы ц1ыфлъэпкъым иц1ыфхэм афаусыхэрэр мэбаих. Ар адыгэ-хэми къэлъыТэсыгъ, а гъогур къак1угъ. Ау щыт нахь мыш1эми ц1э усыным пылъ нэшана-хэмрэ мэхьанэхэу а ц1эхэм я1эхэмрэк1э зык1ыныгъэ гъэнэфагъэ (закономерность) щы1.


Ащ мары Стефан Кристоф къыри1уал1эрэр: «У разных народов имеются имена и прозвища, обусловленные такими общими универсалиями, которые отмечены, скажем, словацкого языка: физические и духовные свойства человека; занятие, сословие, круг деятельности; общественные и родственные отношения; национальность; топографические названия; флора и фауна»11.


Ащ фэдэ зэдэштэгъэ зык1ыныгъэ ц1эусыным и1 нахь мыш1эми, ежь ц1ыфлъэпкъ пэпчъ ыусырэ лъэпкъыц1эхэм тегъэушъхьафык1ыныгъэхэр я1эх: бзэу а ц1эр зэ-раусыгъэм, хъугъэ-ш1эгъэ зэфэшъхьафхэу а лъэпкъым къехъул1агъэхэм, уахътэу заусыгъэм, нэмык1хэм ялъытыгъэхэу мэхъух.


Ц1ыфыц1эхэр аусынэу къызыхэк1ыгъэр ренэу, ыпшъэк1э зэрэхэдгъэунэфык1ыгъэу — нахьыбэ дэдэмк1э бгъэунэфыныр мы1эш1эхми е ащыщхэр бгъэунэфын умылъэк1ыхэщтыми — ар бзэу апэ къызэра1уагъэр къэбгъэлъэгъон плъэк1ыщт. Ащ ехьыл1агъэу адыгэ историкэу ык1и этнографэу Хъан-Джэрые мырэущтэу етхы: «...маленький случай, малейшее обстоятельство, совсем неизвестное по летописям, рождает иногда народное имя, которого никакая историческая ученость изъяснить не может»12. Ар адыгэ ц1ыфыц1абэмэ афэгъэхьыгъ. Ет1ани ахэр анахьэу зыхэплъагъохэ-рэр зэман чыжьэм аусыгъэ ц1эхэр арых (Алэдж, Орзэмэс, Хъымыщ, нэмык1ыбэхэр).


Кавказ иц1ыфлъэпкъмэ яономастикэ зэрэбаир, ау джыри ар икъоу зэрэзэхэмы-фыгъэр хигъэунэфык1ызэ, 1912-рэ илъэсым Н.Я. Марр ытхыгъагъ: «Onomastikon» кавказских народов совершенно не разработан. Между тем личные имена умеют открыть нам целую, притом наиболее живую страницу в истории кавказских народностей»13. Мыр ш1эныгъэлэжьым зитхыгъэм охътабэ теш1агъ. Ц1ыфыц1эхэм еплъык1э зэфэшъхьафхэм афэгъэхьыгъэ тхыгъэхэр мымак1эу щы1э хъугъэх. Джащ фэдэу Кавказ ч1ып1эрыс къушъхьэч1эс ц1ыфлъэпкъхэм абзэмэ, аусырэ ц1эхэм, яхъи-шъэхэм адэлэжьагъэх зэлъаш1эрэ ш1эныгъэлэжьышхохэу Н.Я. Марр, И.А. Джа-вахшвили, С.Н. Джанашэр, Ш.Д. Инал-Ипа, Л.С. Чикобавэр, Г.В. Рогавэр, В.И. Аба-евыр, А.М. Диррэр, С. Бейтыгъон, Л.И. Лавровыр, М.А. Къомафэр, А.К. Шагъырыр, Дж.Н. К1ок1ор, Ю.А. Тхьэркъуахъор, З.У. Блэгъожъыр, Къ. Х. Мэрэтыкъор, Р.Ю. Нэмыт1экъор, нэмык1ыбэхэр.


Ш1эныгъэлэжьхэм я1офш1агъэхэу нэ1уасэ сызыфэхъугъэхэр, архивнэ матери-алхэр, упч1эжьэгъу сш1ыгъэ ц1ыфхэм къысфа1отагъэхэр, нэмык1хэр 1эубытып1э сш1ыхэзэ, адыгэмэ афаусыгъэ ц1эхэм якъэк1уап1эхэмрэ ягъэпсык1эхэмрэ афэсш1ы-гъэ лъыплъэныгъэхэм зэфэхьысыжьыныгъэхэр афэсш1ыгъэх.


Ситхыгъэ зыфэгъэхьыгъэщтхэр: адыгэ лъэпкъым къытыгъац1эхэмрэ ахэмэ ялек-сикэрэ.


Адыгэ ц1ыфыц1эхэр къызыхэк1ыгъэ купхэр


Ш1эныгъэлэжьхэм зэралъытэрэмк1э, нэмык1рэ лъэпкъхэр ижърэ лъэхъа-нэм гущы1эхэмк1э (хатт, хетт, меот, нэмык1хэр) адыгэхэм яджэщтыгъэхэми, анахь ц1ыфлъэпкъ анахьыжъхэу дунаим тетхэм ащыщхэу алъытэх. Ар къыдэлъы-тагъэу адыгэмэ афаусыгъэ ц1эхэм укъяк1ол1эн зыхъурэм, адыгэц1э шъыпкъэхэм якъежьап1э нахь игъэк1отыгъэу къызыщылъагъорэр нартмэ афэгъэхьыгъэу къат-хыжьыгъэхэр, тхыдэжъхэр, орэдыжъхэр, пшысэхэр — к1эк1эу къэп1он хъумэ адыгэ жэры1о народнэ творчествэр ары. «Нартхэр» зыфи1орэм итомхэм ц1ыфыц1эхэу къахэфагъэхэр зэк1эмк1и 176-рэ: ахэмэ ащыщэу 146-р хъулъфыгъац1эх, е ар процент 82,9; адыгабзэрэ нэмык1ыбзэрэ зэхэтэу ц1и 2 ны1эп, е ар процент 1,3; адрэхэр (144-р) адыге лъэпкъым къытыгъац1эх, е ар процент 98,7; бзылъфыгъэц1э 30-у къыхэфагъэм щыщэу 2 ны1эп мыадыгац1эр, е проценти 3; адрэ 28-рэ адыгэ лъэпкъым къыхэк1ыгъэх, е ар процент 97-рэ.


Адыгэ пшысэхэми ц1ыфыц1эхэу къахафэхэрэр зэк1 п1оми хъунэу адыгабзэм къы-тыгъэх. Ащ ишыхьат, гущы1эм пае, «Адыгэ пшысэхэр» (Мыекъуапэ, 1987) зыфи1орэм ц1ыфыц1э 40 къыхэдгъэщыгъ. А пчъагъэм щыщэу 34-рэ хъулъфыгъэц1эмэ 29-р адыгац1эхэу ахэт (процент 85,3); бзылъфыгъэц1и 6-у къыхэфагъэмэ ащыщэу 5-р адыгац1эх (процент 83,3).


Ш1у аш1эным, лъэуж дахэ къагъэнэным, л1ыгъэ зэрахьаным, шъыпкъагъэ ахэ-лъыным адыгэхэр ренэу фэлажьэх. Ащ фэдэ ц1ыфхэм ядунай ахъожьыгъэми, ац1э а ш1уагъэ зыпылъэу агъэцэк1агъэм, зыщагъэцэк1эгъэ ч1ып1эм, нэмык1хэм ащ ац1э афаусыжьы. Тхыгъэхэу щы1эхэм ащ фэдэ ч1ып1эхэм нахьыбэ дэдэмк1э ц1ыфыц1эхэр афаусыгъэхэу къахафэх. Мыщк1э ш1эныгъэлэжь мыгупсэфыщтыгъэу Мэрэ-тыкъо Къасымэ итхылъэу «Адыгейский топонимический словарь» (Майкоп, 2003) зыфи1орэм ц1ыфыц1э зи1э ч1ып1ац1эхэу 231-у къыхафэрэмэ (170-р — хъулъфыгъац1, 41-р — бзылъфыгъац1) адыгэц1э шъыпкъэу 168-рэ (процент 72,5), 50 — нэмык1ыбзэмэ къахэк1ыгъэ (процент 21,6); ц1эр адыгэ-нэмык1 ц1ыфлъэпкъ гущы1э 1ахьхэмк1э зэхэт-хэм япчъагъэ процент 5,6-рэ. Мы ч1ып1ац1эхэм анахьыбэ дэдэхэр заусыгъэхэм охътэ мак1эп теш1агъэр. Ащк1э зэфэхьысыжьэу тш1ымэ тш1оигъор нахьыпэм аусыщтыгъэ ц1эхэр адыгэц1э шъыпкъагъэх п1оми лъэшэу ухэукъощтэп. А адыгэ макъэхэмк1э зэхэ-тэу къэ1огъэ ц1эхэр, ахэмэ апэрэ къэк1оп1э лъапсэу я1эр жэры1о 1оры1уатэм къыхафэ-рэ ц1эхэр арых. Ащ фэдэ ц1эхэр къызыщылъагъохэрэр:


1) нарт эпосым къытыгъац1эхэр: Орзэмэс, Хъымыщ, Пэтэрэз, Саусэрыкъу, нэмык1хэр — хъулъфыгъац1эх; Сэтэнай, Бырамбыф, ЦэТунэжъ, Бэдэф, 1эдыиф, нэмык1хэр — бзылъфыгъац1эх;


2)пшысэхэм, тхыдэжъхэм, орэдыжъхэм къатыгъац1эхэр: Блэк1ахь, Едыдж, Джэджыкъу, Л1ымаф, Шъэош1у, Нэпцэзэхак1, Къуйжъый, нэмык1хэр — хъулъфы-гъац1эх; Нэц1ыу, ПшъэшъэшТу, Псьаъогуащ, нэмык1хэр — бзылъфыгъац1эх;


3)мамлюкхэм ялъэхъан адыгэмэ ахьыщтыгъэ ц1ыфыц1эхэр: Борэкъокъу, Къаншъаугъур,Т1уманбай, нэмык1хэр;


4)дин зэфэшъхьафхэу адыгэмэ алэжьыщтыгъэхэм къатыгъац1эхэр: Еллэ (Илья), Мосэ (Моисей), Псатхьэ, Мэзыгуащ, Лъэпшъ, нэмык1ыбэхэр;


5) адыгэ художественнэ литературэм к1эу щагъэфедэрэ ц1эхэр: Дэгъотл1ыкъу, Т1ыхъуц1ык1у, Дархъукъу, Щэлэбый14; Нэпаш1о, Нэт1ар, Сэбэхь, Бидад, Лакъ, Таи-быр, Мыгъае, Агур, Субаш15; Чэутар, Пэкъэжъ, Хьацхъуж, Зэбан, Русыдан, К1элэщ, ПылыгъукР6, нэмык1ыбэхэр;


6)мы аужырэ илъэсхэм адыгац1эхэу к1эу аусыхэрэр: Ыпэк1эк1орэр, МэшТуашъу, Дышъэпс, Гукъабз, Гъэш1уан, Гунэф, Псэдах, Жъогъопс, Гузаф, Дэха1у, 1умаф, Дэхаш1, Нэдышъ, Мэзак1, нэмык1ыбэхэр.


Лъэхъэнэ гъэнэфагъэ горэм агъэфедэщтыгъэ, аусыщтыгъэхэ ц1эхэр уахътэу блэк1ырэм зыдехьых, лъэхъэнак1эм диштэу к1эу ц1ыфыц1эхэр аусых. Ар бгъэш1эгъонэу щытэп, ар дунае хъишъэ процессым изек1ок1э ш1ык1э-гъэпсык1. А зэхъок1ыныгъэхэр къыдалъытэзэ, адыгэхэми непэрэ уахътэм дунаеу зыщапэухэрэм, нахьыбэрэ щагъэ-фэдэрэ, нахь аш1одэхэ ц1эхэр ясабыйхэм афаусых: Дарин, Диан, Дин, Зара, Зарин, Альберт, Артур, нэмык1ыбэхэр.


Адыгац1эхэм ялексик


Адыгац1эхэм язэхэтык1э-гъэпсык1э гъэунэфыгъэнымк1э, ямэхьэнэ къыхэхыным1э нэмык1ырэ бзэхэм янахьыбэ дэдэм зэдэштэгъэ бзэхэбзэ шъуашэхэу апылъыхэм ате-фэ. Ащ мары К1ок1о Джумалдинэ къыри1уал1эрэр: «Лексика адыгских по языку имен обусловлена теми закономерностями в образовании личных имен, которые принято называть ономастическими универсалиями. Они, как об этом уже сказано выше, для различных народов в значительной мере общие (имена по частям тела, по названиям животных, по роду деятельности и т. д.). Но зависимости самих универсалий ономастики от конкретных историко-этнографических и прочих условий неминуемо отражается и на лексике имен каждой конкретной этнической группы»17.


Адыгац1эхэм ягъэпсык1э, ямэхьанэ, ягуш,ы1эзэхэтык1э афэгъэхьыгъэхэу ш1эныгъэлэжьхэм ятхыгъэ зэфэхьысыжь еплъык1эхэр18 си1офш1агъэ 1эубытып1э лъапсэ фэсш1ыгъэх.


Адыгэмэ афаусыгъэ ц1эхэм ягъэпсык1э мыщ къык1элъык1оу к1эк1эу къэсэтых.


1.Ижърэ лъэхъэнэ чыжьэм къыщежьагъэу алъытэрэ ц1э къэхъук1эхэм ащыщ к1алэм е пшъашъэм ятэ къытек1ыгъэ ц1эхэу — къо-р — пхъу-р зыщыгъэфедагъэхэр: Биданэкъу, Саусэрыкъу, Шэбатныкъу, Мэлэчыпхъу, Бэбэсыпхъу, нэмык1хэр; ч1ып1ац1эр ыпэ итэу ежь-ежьырэу гъэфедагъэу гъэпсыгъэ ц1ыфыц1эхэр: Терчыкъо (Терч — псы-хъом ыц1), Мысыркъо (Мысыр — «Египет»), Бахъсэныкъо (Бахъсэн — псыхъом ыц1), нэмык1хэр; -къо зыфи1орэ 1ахьым зыгорэм зэрик1элэ мэхьанэр имьйэу, шъхьафитэу а 1ахьыр зыщыгъэфедэгъэхэр: Уцужьыкъу, Елбыздэкъу, ПщыТапщэкъу, нэмык1хэр.


2.Хъулъфыгъэ — бзылъфыгъэ е унэгъо 1офыгъо-зэтефыгъэн лъэныкъохэу — хъу, бзы, шъау зыфи1охэрэр зыхэтхэм къахэк1ыгъэ адыгац1эхэр:


—хъу-р зыхэт адыгац1эхэр: Хьэхъу, Л1ыхъу, К1элэхъу, нэмык1хэр;


—бзы-р зыхэт адыгац1эхэр : Курабз, Куабз, Хьабз, нэмык1хэр;


— л1ы-р зыхэт адыгац1эхэр: Л1ымаф, Мэзыл1, Л1ыжъыкъу, Л1ы1ужъу, нэмык1хэр;


— шъао-р зыхэт адыгац1эхэу ты гъэнэфагъэ зэрик1алэр къэзгъэлъа-гъохэрэр:Темыршъау, Нартшъау, Гъук1эшъау, нэмык1хэр;


— шъао-м гъэш1уабзэ мэхьанэ зи1э гущы1эхэр ягъусэу гъэпсыгъэ адыгац1эхэр: Шъэомаф, Шъэош1у, Шъэодах, нэмык1хэр;


—шъао-м ц1ыфым ышъо е итеплъэ къэзыгъэлъэгъорэ гущы1эхэр ягъусэу гъэпсыгъэ адыгац1эхэр: Шъэофыжь, Шъэокъар, Шъэонэф, Шъэопц1, нэмык1хэр.


3.Ижъырэ лъэхъанэм къыщегъэжьагъэу адыгэ унагъом илъ зэхэтык1эхэм ялъы-тыгъэу «гуащэ», «пщы» зыфи1охэрэр щагъэфедэх. Ащ фэдэ ц1эхэр гущы1э лъэпсит1оу зэхэтых: Пщыц1ык1у, Пщытат, Гощэнагъу, Гощэкъар, Гощмаф, Гощлъап1, Гощэ-фыжь, Гощэгъэш1он, нэмык1хэр.


4. Мылъку 1эрылъхьэм, тетыгъом ялъытыгъэу, унагъо-хэбзэ зэхэтык1хэм къахэк1эу аусыгъэ адыгац1эхэр мак1эхэп: Пщымаф, К1элэпщ, Пщыкъуй, Пщызакъу, Пщык1ас, нэмык1хэр.


5. Адыгэхэмк1э шыр, шым епхыгъэ хъугъэ-ш1эгъэ гъэш1эгъонхэр зепхьаныр л1ыгъэшхоу, лъытэныгъэшхоу щыт. Ар къизы1отык1ырэ адыгац1эхэм ащыщыхэр: Шыумаф, Шыужъый, Шыупащ, Зек1ошыу, Темэншыу, нэмык1хэр.


6. Ц1ыфым ипкъынэ-лынэ, итеплъэ-зэрэщыт, ыпкъ щык1агъэ е шап-хъэм тек1ыныгъэу хэлъымэ ялъытыгъэу аусыгъэ адыгац1эхэм ащыщхэр: -пэ — Пэхъу, Пакъ, Пэзад; нэ — Нэш1уц1, Нэшху, Нашхъу; цэ — НэТуц, Мышъэц; пшъэ — ПшъэкТэкТ, Пшъэгъум, Пшъэпыт; шъхьэ — Шъхьэныкъу, Шъхьэпсыгъу, ШъхьэтТум; ныбэ - Ныбэрый, НыбэзакТ, Ныбэшъу; Тэ — Тэпэзау, Тэпищ, Тэпшъэпыт, нэмык1хэр.


7.Хьэйуанэ зэфэшъхьафхэм ац1эхэм къатыгъэ адыгац1эхэр:


—хьэ-р зыхэт ц1эхэр: ХьэшТуцТ, Хьэнашхъу, ХьэцТыкТу, нэмык1хэр;


—къолэбзыумэ ац1эхэр зыхэтыхэр: Тхьаркъо, Бзыу, Дэхэбзыу, нэмык1хэр;


—хьэк1э-къуак1эмэ ац1эхэр зыхэтыхэр: ТТыгъужъ, Мышъэ, Мышъэост, Баджэ, Благъо, Ужь, Бзыу, Бабыщ, нэмык1хэр.


8. Ц1ыфым идэхагъэ, изытет, ышъок1э итеплъ, ишэн къэзытырэ 1ахьхэр зыхэт адыгац1эхэр: дышъэ — Дышъэшыу, Дышъанэ, Дышъэнагъу; гъо- Гощэнагъу; цТыкТу — ДэхэцТыкТу, ЩырцТыкТу; осы — Дэнэос, Дэхэос; нэф — Дэнэф, Синэф, Нэ-фын; шТуцТэ- НэшТуцТ, ШТуцТ; дахэ — Дэхэнагъу, Дэхэбзыу, Дэхэос; Туб — ДэхэТуб, Тубыжъый; фыжьы — Шъэофыжь, Гощэфыжь, нэмыкТхэр.


9. Ежь ц1ыфыр зыпылъ 1офым, ащ ыгъэцэк1эрэ 1офым къатыгъэ адыгац1эхэр: ГъукТэ, ГъукТэшъау, Мэкъуау (ц1эуи, л1экъуац1эуи мэхъу), Щыгъущ, ГъукТэлТ (ц1эуи лъэкъуац1эуи мэхъу), ТыжьынашТ, нэмыкТхэр. 


10. Зэоным, зэнэкъокъум, тек1оныгъэм ык1и ахэмэ апае яш,ык1эгъэш,т пкъыгъо-хэр зи1ахьк1э гъэпсыгъэ адыгац1эхэр: Дзэпщ, Дзэпащ, Дзэхъан, Къэлэкъут, Къэлэу-бат, Зек1ошыу, Батыр, Емгъахь, нэмык1ыбэхэр.


11. Байныгъэ-тхьамык1эныгъэ зэтек1ыр къырагъэлъагъоу 1ахьхэр зыхэт адыгац1эхэр: пщы — Пщыкъан, Пщымаф, Пщыпый; оркъ — Оркъыжъый, Тиоркъ, Оркъмаф, нэмык1хэр.


12.Зек1оным, ащ фэгъэхьыгъэ пкъыгъохэр къэзыгъэлъэгъорэ 1ахьхэр зыхэт адыгац1эхэр: Зек1ошыу, Шыумаф, Шыудах, Шыук1ас, нэмык1хэр.


13.Лэжьэн — 1офш1эныр къэзгъэлъэгъорэ I ахьхэр зыхэтэу гъэпсыгъэ адыгац1эхэр: гъук1э — Гъук1э, Гъук1эшъау; щэ (щэн) — Щыгъущ, Мэлыщ; хъу (хъун) — Мэлахъу, Шахъу, Шъынахъу; гъот (гъотын) — Шыгъотыжь, Чылэгъот, Пщыгъотыжь; хьы (н) — Бланыхь, Бэрэкъахь, Лыхь, нэмык1хэр.


14.Мыдэн е щыгъэзыем мэхьанэр къыгъэлъагъоу — мы-р зыхэт адыгац1эхэр: Гощэмыд, Пщымыд, Амыдэхъан, нэмык1хэр


15. Лэжьэн-псэунэр, гощыныр, пыджэныр, шхыныр ык1и нэмык1ырэ 1оф горэ гъэцэк1энхэр къэзыгъэлэгъорэ 1офыр зыхэтэу гъэпсыгъэ адыгац1эхэр: Пщыук1, Имыс, Мылажьэ, Чэтымышх, нэмык1хэр.


16.Иныгъэ-ц1ык1угъэр, к1агъэ-жъыгъэр, дэигъэ-дэгъугъэр къэзыгъэлъэгъорэ 1ахьыгъохэр зыхэт адыгац1эхэр: Нэшху, Науц1ык1у, Инышху, Хъудымыжъ, На-ртыжъ, К1аку, Хьэк1аку, нэмык1хэр.


17. Адыгац1эхэр хъулъфыгъац1эхэмэ е бзылъфыгъац1эхэмэ зэтегъэушъхьафы-к1ыгъэным пае —къо, -шъао, -хъу; -пхъу, -хьабз зыщыгъэфедэгъэ ц1эхэр: Нартыкъу, Хьэшъау, К1элэхъу; Хъодяпхъу, Дэхэхьабз, нэмык1хэр.


18.Ц1эр зыфаусыгъэр адрэмэ атегъэушъхьафык1ыгъэным пае нахь 1ахьыр зыхэтэу гъэпсыгъэ ц1эхэр: Нахьдах, Нахьык1, Нахьыжъ, нэмык1хэр.


19.Ц1эр зыфаусыгъэр зэрэгъаш1орэр к1агъэтхъыгъэным пае жъый, ц1ык1у зыхэт ц1эхэр: 1убыжъый, Нэгъо ц1ык1у, Дэхэц1ык1у, нэмык1хэр.


20.Ш1ошъыхъуныгъэ хабзэу адыгэмэ ахэлъым елъытыгъэу, сабыим нэ бзаджэ темыфэным пае 1ае-р зыщагъэфедэгъэ адыгац1эхэр: 1эе ц1ык1у, Пшъэшъэ 1ае, нэмык1хэр.


21.Адыгэ лъэпкъхэм е нэмык1 ц1ыфлъэпкъхэу къахэхьэ-къахэк1хэм къате-к1ыгъац1эхэр: К1эмгъуй, Урысбый, Тэтэрыкъу, Шапсыгъ, нэмык1хэр.


22.Тхьэмэфэ мафэхэм е илъэсым иуахътэхэм, ом щыхъурэ-щыш1эхэрэм къатек1ыгъэ адыгац1эхэр: Гъубжьэкъу, Блыпэшъау, Бжыхьэкъу, Осыл1, Нэкъуай, нэмык1хэр.


23.Адыгэ шэн-хабзэу унагъом илъымэ л1акъоу къызыхэк1ыгъэм къатырэ ц1эхэр: Хъодяпхъу, Хьэлащтяпхъу, Ст1ашъуяпхъу (л1акъом къыхэхьэгъэ нысэхэм л1акъоу къызыхэк1ыгъэм ара1о); Тинэф, Курэц1ык1у, Тил1 (зэшъхьэгъусэмэ ц1э лыехэр зэфау-сых); Сикъан, Шэныш1у, Гощнан, Сиоркъ (пщы, гуащэ, пщыкъо, пщыпхъу) ц1э тедзэ-хэр афаш1ыгъэ, нэмык1хэр.


Адыгэмэ ац1эхэм ягъэпсык1эрэ бзэу къызхэк1ыгъэхэмрэ ялъытыгъэу, ахэмэ язэхэтык1эк1э купышхо шъхьа1ит1ук1э зэтебгъэушъхьафык1ынхэ плъэк1ыщтых: ц1э къызэрык1охэмрэ ц1э зэхэлъхэмрэ.


Ц1ыфыц1э къызэрык1охэр япчъагъэк1э зэхэлъхэм ягъэпшагъэхэм бэк1э нахь мак1. Ет1ани а ц1э къызэрык1охэу адыгабзэм къыхэк1ыгъэхэм янахьыбэмэ ямэхьанэ гъэу-нэфыгъуай, зэк1 п1оми хъунэу мэкъэпэш1эу щыт мэхьанэр я1: Нау, Цац, Цау, Лау, Лык, Цук, Тыу, Цырац, Сас, нэмык1хэр.


Адыгац1э зэхэлъхэм янахьыбэр лъэпсит1оу, загъори лъэпсищэу зэхэтыхэу гъэп-сыгъэх. Ахэр бзэ гущы1э зэфэдэхэмк1э е зэфэшъхьаф бзэ гущы1эхэмк1э зэхэтынхэ алъэк1ыцщт.


1.Пкъыгъоц1э лъэпсит1у зэхэт ц1эхэр: Гъук1эшъау (гъук1э + шъау), Нартшъау (Нарт + шъау), Мэзыл1 (мэзы + л1ы), Хьэпак1 (хьэ + пак1э), Дзэпщ (дзэ + пщы), Мэзы-гуащ (мэзы + гуащэ), Пщыпый (пщы + пый), нэмык1хэр.

2.Пкъыгъуац1эрэ плъышъуац1эрэ е плъышъуац1эрэ пкъыгъуац1эрэ зэхахьэхэзэ, гъэпсыгъэ хъурэ ц1эхэр: Пщымаф (пщы + мафэ), Нэш1уц1 (нэ + ш1уц1э), Нэхъурай (нэ + хъурай), Хьак1эц1ык1у (хьак1э + ц1ык1у), Гощэнагъу (гуащэ + нагъо), Шъэофыжь (шъао + фыжьы), Пшъэшъэк1ас (пшъашъэ + к1асэ), Мыгъол1 (мыгъо + л1ы), Дэхэпс (дахэ + псы), Дышъэ1апшъ (дышъэ + 1апшъэ), Дэхэос (дахэ + осы), нэмык1хэр.


3. Плъышъоц1ит1оу зэхэт ц1эхэр: Фыжьдах (фыжьы + дахэ), Дэхэфыжь (дахэ + фыжьы), Къэрэц1ык1у (къарэ + ц1ык1у), нэмык1хэр.


4. Ц1эпапк1эрэ пкъыгъуац1эрэк1э е ц1эпапк1эрэ плъышъуац1эрэк1э гъэпсыгъэ адыгац1эхэр: Сиц1ык1у (си + ц1ык1у), Сищыр (си + щыры), Синэф (си + нэфы), Тиоркъ (ти + оркъ), нэмык1хэр.


Мыхэмэ анэмык1ырэ гъэпсык1э я1эхэу адыгац1эхэр щы1эх. Ахэмэ ащыщхэр:


1.Лъэпсапэрэ гущы1э лъапсэмрэ зэгъусэхэу хъурэ адыгац1эхэр: Зэрэмыш1 (зэрэ + мы + ш1э (ш1эн), Ялый (я + лый), Имыс (и + мы + с), Теуцожь (те + у +цо + жь), Зе-зэрыхь (зезэ + ры + хь (хьын), нэмык1хэр.


2.Гущы1элъапсэрэ лъэупсэужрэк1э зэхэт адыгац1эхэр: Гу1этыжь (гу + 1эт(ы) + жь), Гуш1уал (гуш1о + л).


3. Зэфэдэ е зэхьащыр макъэхэмк1э е пычыгъохэмк1э зыхэтхэр: Куку, Куаку, Гогущ, Зазэ, Зузэ, Лэлау, Лылыу, нэмык1хэр.


4.Адыгац1эмрэ нэмык1ыбзэм къыхэк1ыгъэ гущы1эмрэ зэхахьэхи гъэпсыгъэхэр: Гуащэ = Гощэхъан (Гуащэ+Хъан), Теуцожь = Теуцожьхьадж (Теуцожь+хьаджэ), Лъэустэн = Лъэустэнбый (Лъэустэн+бый), Урыс = Урысбый (Урыс+бый), нэмык1хэр.


5. Пкъыгъуац1эрэ глаголрэк1э е глаголрэ пкъыгъуац1эрэк1э зэхэтэу гъэпсыгъэ адыгац1эхэр: Дзэгъащт (дзэ + гъащт (гъэщтэн), Шыгъотыжь (шы + гъотыжь (гъо-тыжьын), Шыгъэлыгъу (шы + гъэлыгъу (гъэлыгъон), Хьэзещ (хьэ + зещ (зещэн), Шыгъас (шы + гъас (гъэсэн), Гумзагъ (гу + мы + загъ (мызэгъэн), Зек1ошыу (зек1о (зек1он) + шыу), нэмык1хэр.


10. Мак1эми гущы1э лъэпсищэу зэхэт адыгац1эхэр: Дэхэнагъу (дахэ + нэ + гъо), Хьэк1эпытхъ (хьэ + к1э + пытхъ), Хьэхъупакъ (хьэ + хъу + пакъэ), Хьэжъыкъо (хьэ + жъы + къо), Хьэхъупак1 (хьэ + хъу + пак1э), нэмык1хэр.


Литературэр


1.Лингвистический энциклопедический словарь. — М., 1990. — С. 473.


2.Инал-Ипа Ш.Д. Антропонимия абхазов. — Майкоп, 2002. — С.10-11.


3.Мыр дэдэм. — Н. 473.


4.Инал-Ипа Ш.Д. Указ. лит. — С.10-11.


5.Блягоз З.У., Тхаркахо ЮА. Адыгейские фамилии и имена. — Майкоп, 2002; Коков Дж.Н. Адыгская (черкесская) топонимия. — Нальчик, 1973; Намитокова Р.Ю. и др. Наши имена. — Майкоп, 2000; Справочник личных имен народов РСФСР. — М., 1979; Проблемы региональных ономастик. — Майкоп, 2006; Инал-Ипа Ш.Д. Антропонимия абхазов. — Майкоп, 2002; Пшибиев И.Х. Адыгские (черкесские) фамилии, имена и национальные тамги. — Нальчик, 2003.


6.Бестужев-Лада И. Ваше имя? // Неделя. — М., 1969. — №18. — С.8.


7.Коков Дж.Н. Вопросы адыгской (черкесской) антропонимии. — Нальчик, 1973. — С. 3.


8.Инал-Ипа Ш.Д. Указ. лит.- С. 46.


9.Никонов В.А. Задачи и методы антропонимики // Личные имена в прошлом, настоящем, будущем. — М., 1970. — С.56.


10.Никонов ВА. Указ. лит. — С. 33.


11.См: Stefan Kristof. Osobne mena byvalej; Tekovskej Stolice. — Bratislava, 1969. — С. 140.


12.Султан Хан-Гирей. Избранные труды и документы. — Майкоп, 2009. — С.77.


13.О языке и истории абхазов. — М. — Л., 1938. — С. 92.


14.Керашев Т.М. Избранные произведения. Том первый, том второй. — Майкоп, 1988. На адыг. яз.


15.Машбаш И.Ш. Бзиюкская битва. — Майкоп, 1988. На адыг. яз.


16.Чуяко Ю.Г. История одной любви. — Майкоп, 1985. На адыг. яз.


17.Коков Дж.Н. Вопросы адыгской (черкесской) антропонимии. — Нальчик, 1973. — С. 32.


18.См.: Коков Дж.Н. Вопросы адыгской (черкесской) анторопонимии. — Нальчик, 1993; Блягоз З.У., Тхаркахо ЮА. Адыгейские имена и фамилии. — Майкоп, 2002; Инал-Ипа Ш.Д. Анторпонимия абхазов. — Майкоп, 2002; Намитокова Р.Ю. и др. Наши имена. — Майкоп, 2000 и др.


Автор: Цуекъо Алый




Источник: [url=https://zen.yandex.ru/media/id/5a60368257906a2fcf791879/adygeme-ac1ehem-iazehetyk1egepsyk1e-shha1eme-ascyscher-osnovnye-osobennosti-obrazovaniia-adygskih-imen-5c495cf47b9a3700abe4264b?from=channel&utm_referrer=https%3A%2F%2Fzen.yandex.com&rid=4052424385.499.1548915376065.56836&integration=site_desktop&place=layoutАдыги.RU[/url]
Комментарии к новости
Добавить комментарий
Добавить свой комментарий:
Ваше Имя:
Ваш E-Mail:
Это код:
Кликните на изображение чтобы обновить код, если он неразборчив
Введите сюда:

«    Июль 2019    »
ПнВтСрЧтПтСбВс
1234567
891011121314
15161718192021
22232425262728
293031 
x